la garçâ malpadert
Group: admins
(4379 posts total)
(last post: March 13, 2008 - 16:29)
Citizen #22:
Miestrâ Schivâ | Here is an example of spoken Talossan; transcription of the article (excepting a few words of introduction) below. Only a couple of obvious mispronunciations which the clever will spot.
===
Voi pût-estarë tiennent acorçats, iventhö esperancîndmînt non, bis 'n altreu mensátx malpardért és imoderat sür Wittenberg monarc'hista, dîn qët la Regeu da Talossa me aßalta perziunálmînt cün 'n quotatziun da pü që ja seifet års.
Ça va, zisimpleu qualsevois monarc'hs, non téu 'n mustáir compläts da toct që téu zirat ja seifet års. És ça me alegra, parç që el püpärts da ça isch indubitanter ivên pü embaraßînd. (Aßéi comicmînt, viensâ quotaziun që eu regreteu acertâs - lançadâ à Chirisch Caveír àl sümità dal Zuerïa Fred Talo-Pengoûr - corenticmînt isch reuçadâ cün aprovál par el Regeu steçéu! Qi fäts 'n înfraziun contrâ drept da côpiâ nun?)
Zespitzi toct, investigînd dîn va doßiéirs del telepôst, créu që sovenençéu da qët Ben parleva. La quotaziun, c'è d'iensâ zicußiun që noi tiennent, över come l'idéâ d'iens Pengöpäts autonôm esteva 'n fraudarà, parç që aucün da noi txamáis ischà là. Eu tent zemandat come mïus da fraudarà c'estadra, athsigñhar noi Antipoûrans a'iensâ provinçù citànál da Talossa - c.á.z., "qualsevôl banliál da Milvoc'ht à qët noi forcâ nuncâ ischent" biên.
Voi pëvetz vidarë el pînt që eu atenteva façarë - që citaxhientà în Pengöpäts non esteva pü 'n fraudarà që qualsevôl Cüvercitaxhienità. Da c'horsicâ, ’n altreu fäts zisimpleu qualsevois monarc'hs, téu creschütat és va vischtâs sînt cambiadâs dürånt els års - për exampál, över l'entità del Haxh.
Más c’è soviarschamînt ûnxhúst që el sezirînd Regeu zïa që aceastâ quotatziun mostra që téu aucün envrüsadâ për las "racinâs" dal experiençù Talossán. Piôrmînt, ça mostra që estevéu 'n Garçâ Malpardért à’cest tîmp - à qët eu aviadeu, gradantéir és 'n pô ruschinadâ. Más oxhí eu rivizadreu va vischtâs solamînt 'n pô. Schi 'n însulâ cjavéir spud el rif dal Bréitz isch 'n provinçù Talossán, sanctificadâ për tradiziun és cün citaxhiêns aßigñhats, non é-ça që ça subverta l'insistadâ që Talossa isch pirméis és fundamáintschálmînt Milvoc'htán?
Altrâmînt, pût-estarë që tenadréu tent pü da respectù për las tradiziuns del püpärts Talossán în 1997 schi el Regeu, qi se vïa come la cuncarnaziun personál d'acestilor tradiziuns non atenteva, à’cest tîmp, me expulsar sür va ciôl parç që o non aproveva va coiçeu dels amici Talossáes. Për qualseviens qi steçéu tent rancunâs aßéi impreßatïux, o non sembla realiçar që si non fäts aliançats për profrar ültimatüms és detraïçar sieu contréirs. À miglhôr, si fäts afagéirs, eda altramînt enemíci aspreux.
Miestrâ Schivâ
Seneschál dal Repúblicâ Talossán etc.
"The Republic's Most Articulate Spokeswhatever" - R. B. Madison
|
